Libros, menstruación e endometriose é un faladoiro que pretende crear un espazo para compartir dúbidas e lecturas para a abordaxe da endometriose e a saúde menstrual. Contará coa presenza de Verónica Ramilo da  Asociación querENDO Mulleres con Endometriose.

Os problemas de hixiene menstrual xeran discriminación e estigmatización de millóns de mulleres. A menstruación debe ser entendida como un proceso biolóxico para que as persoas que menstrúan non sexan renegadas nin excluídas e non teñan que sentir nin medo nin vergoña.

En todas as nosas bibliotecas temos a disposición da cidadanía libros informativos sobre hixiene e saúde menstrual. Nas bibliotecas de Durán Loriga, Monte Alto e Rosales temos, ademais, a sección "Rompendo Regras", un centro de interés que toma o seu nome do Laboratorio de Participación cidadá en prol dunha menstruación digna e ecosaudable, do Grupo de Igualdade da Facultade de Ciencias da Educación da UDC.