A Biblioteca do Real Consulado foi a primeira Biblioteca Pública en establecerse na Coruña baixo o amparo do Real Consulado de Mar e Terra, en 1803, e foi aberta ao público en 1806.

É unha Biblioteca principalmente de fondo antigo, con fondos bibliográficos, documentais e cartográficos desde o século  XV.  A maior riqueza de libros corresponde aos séculos  XVIII e primeiro cuarto do  XIX.

Está considerada como un centro de consulta imprescindible para os investigadores da realidade histórica coruñesa, galega e universal nas súas diversas manifestacións, e colabora con todo tipo de institucións  culturais de calquera parte do mundo.

Desde a fundación da Biblioteca de la Casa Consulado , a súa sede está no edificio do Real Consulado Marítimo e Terrestre da cidade da Coruña, representativo do estilo  neoclásico coruñés.