Os espazos municipais de información xuvenil do concello da Coruña, enmárcanse no servizo de Mocidade, dentro da área de Igualdade, Benestar Social e Participación. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Dende o 09/05/2024 ata o 30/09/2024
O concello do Grove convoca unha nova edición do seu premio de pintura.
Dende o 20/05/2024 ata o 31/05/2024
ás 12:00h.
Axudas para participar no programa nacional "Recuperación e Utilización Educativa de Pobos Abandonados" en Granadilla (Cáceres), Umbralejo (Guadalaxara) e Búbal (Huesca) para as quendas de verán de 2024.
ata o 28/06/2024
Volve o Concurso de Cómics “Ciutat de Cornellà”, dirixido a mozos de 12 a 30 anos.
Dende o 24/05/2024
ata 3 días antes do inicio do campo.
A Xunta de Galicia oferta prazas en campos de voluntariado que se desenvolverán por todo o territorio galego. Neste programa, que se enmarca dentro da Campaña de Verán 2024 da Xunta, poden participar as persoas mozas residentes en Galicia de 18 a 30 anos.
Dende o 20/05/2024 ata o 22/05/2024
O Concello da Coruña ofrecerá este verán 6.296 prazas nos campamentos organizados polas diversas áreas municipais, unha variada oferta de actividades de lecer, deportivas e de aprendizaxe destinada tanto á infancia como á mocidade da cidade.
Ata o 24/07/2024
A Deputación de Ourense convoca a a XLIII edición do Premio de Novela Eduardo Blanco-Amor.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible