Os campamentos realizaranse, de forma xeral, de luns a venres das 10.00 ás 14.00 h nos horarios que se establecen a continuación. Os días festivos non haberá campamento.

• Xeral: de luns a venres, das 10.00 ás 14.00 h
• Madrugadores: de luns a venres, das 8.30 ás 10.00 h
• Comedor: das 14.00 ás 15.30 h (poderase saír dende as 15.00 h)

PERSOAS DESTINATARIAS

Escolares de educación infantil e educación primaria matriculados/as nos CEIP do Concello da Coruña no curso 2023/2024.

LUGARES DE REALIZACIÓN

CEIP Anxo da Garda

CEIP Curros Enríquez

CEIP Juan Fernández Latorre

CEIP Manuel Murguía

CEIP María Barbeito

CEIP Novo Mesoiro

CEIP San Pedro de Visma

CEIP Torre de Hércules

CEIP Wenceslao Fernández Flórez

NÚMERO DE PRAZAS

3 grupos de 15 escolares por sede e quenda.

Resérvase un 33% das prazas para o alumnado que estea matriculado no centro que é sede do campamento.

ADXUDICACIÓN DE PRAZAS

Poderanse solicitar ata 3 quendas por orde de preferencia.

Na primeira adxudicación atenderase ás dúas primeiras opcións, sempre que haxa prazas e que unha delas fose na quenda de xuño. Só nesta primeira adxudicación, e co fin de chegar ao maior número de solicitantes. Atenderase a terceira opción, cando as dúas primeiras opcións solicitadas estivesen cubertas.

Na segunda adxudicación, atenderanse as opcións non concedidas inicialmente, sempre que houbese prazas e respectando a orde do sorteo.

A adxudicación realizarase a partir do número seleccionado no sorteo público. A cada solicitante asignaráselle un número correlativo segundo o momento da inscrición.

No caso de irmáns ou irmás tomarase de referencia o número de adxudicación de quen se inscriba en primeiro lugar, sempre que sexan correlativos.