Os espazos municipais de información xuvenil do concello da Coruña, enmárcanse no servizo de Mocidade, dentro da área de Igualdade, Benestar Social e Participación. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
21/04/2024
inscrición até esgotar as prazas.
O Grupo Naturalista Hábitat organiza unha nova actividade de achegamento á natureza na contorna da Torre de Hércules, da man do Consorcio de Turismo e Congresos da Coruña.
Ata o 16/05/2024
Proceso selectivo para cubrir 220 prazas, polo sistema xeral deacceso libre e oposición, do Corpo de Enxeñeiros Industriais do Estado (208 corresponden á cota xeral e 12 á reserva para persoas con discapacidade).
Ata o 16/05/2024
Proceso selectivo para ingreso no Corpo Superior de Interventores e Auditores do Estado. 25 prazas polo sistema xeral de acceso libre e oposición.
Ata o 10/05/2024
Proceso selectivo para ingreso no Corpo Superior de Técnicos Comerciais e Economistas do Estado. 29 prazas polo sistema xeral de acceso libre e oposición.
Ata o 29/04/2024
Proceso selectivo para cubrir 22 prazas do Corpo de DiplomadosComerciales do Estado, polo sistema xeral de acceso libre e mediante o sistema de oposición.
Ata o 24/04/2024
A Dirección Xeral de Cultura da Xunta de Galicia convoca até 24 prazas para a realización de residencias creativas de carácter literario a desenvolver na Residencia de creación literaria Illa de San Simón, nos meses de maio, outubro e novembro.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible