Murallas da Cidade Vella

• ..

As murallas da Cidade Vella correspóndense co primitivo asentamento da cidade, e están declaradas Monumento Histórico - Artístico. No seu interior alóxanse a maior parte dos edificios históricos, e as súas rúas conservan aínda o seu antigo trazado, así como un gran número de casas de porte antigo.

As fortificacións que protexían o recinto da Cidade Vella tiveron a súa orixe no reinado de Enrique III, nos últimos anos do século XIV. Consérvanse restos das Murallas Defensivas así como tres portas que abrían a cidade ao mar ao longo do Paseo do Parrote, fronte á baía. Tamén se conserva o baluarte coñecido como a Fortaleza Vella, que é o actual Xardín de San Carlos.

Seguindo o Paseo do Parrote encóntrase a muralla e Porta de San Miguel construídas en 1607 fronte ao Castelo de San Antón.

A Porta do Cravo, que se encontra fronte ao Xardín de San Carlos, foi construída en 1676.

A Porta da Cruz ou do Parrote, fronte ao Palacio da Capitanía Xeral, é tamén do ano 1676.

As portas do Parrote foron declaradas Ben de Interese Cultural dende 1944.