Mobi-Liza é unha asociación que ten como obxectivo promover e defender unha mobilidade sostible e responsable en todos os ámbitos, mediante a investigación e sensibilización social.

Na Semana Europea da Mobilidade, realizou diferentes actividades como:

- Paseo de bicis antigas da Coruña: realizouse a súa terceira edición e consolidouse xa como unha das citas ciclistas retro de referencia en Galicia. Contou coa participación dunhas 25 persoas, maioritariamente da provincia da Coruña. As/os participantes puideron gozar dun percorrido pola cidade, un pícnic ao aire libre e o visionado da película "El alma de un ciclista". Foi valorado moi positivamente polas persoas asistentes, que mostraron o seu interese polo calendario ciclista retro para participar noutras marchas e marchas ciclistas antigas.

- Xornadas formativas de educación viaria para usuarios/as de BiciCoruña: tiveron unha participación moi variable. As persoas asistentes puideron comprender nocións básicas de carácter teórico en relación coa ergonomía, a seguridade e a normativa e a bicicleta.

- Proxección do documental Riders e mesa redonda: destacouse a realización dun debate no que participaron múltiples axentes vinculados á distribución de bicicletas, con diferentes puntos de vista e roles.